Thursday, August 8, 2013

Pipe Dream... Part 1


Credit to the owner of this photo

"Ang magandang simula ay hindi nangangahulugan na maganda rin ang katapusan... at ang pangit na simula ay hindi basehan nang hindi magandang pagtatapos... ang mahalaga ay ang mga bagay na gagawin mo sa pagitan nang simula at wakas... mga bagay na magdadala sayo sa katuparan nang isang pangarap."

Nagsimula ang lahat sa isang kapirasong papel, ½ crosswise pad paper. Ito yong mga panahon na ang sarap amuyin ang bagong biling libro at papel. Panahon na ang bango bango para sa akin nang test paper during exams. Yan siguro ang rason kung bakit excited akong pumasok sa school noon. At di ko sukat akalain na sa isang kapirasong papel mabubuo ang pundasyon nang isang pangarap.

Ang magulong klase ng Grade Six ay biglang nanahimik. Kanya-kanyang isip kung ano ang maisusulat sa kapirasong papel. The Task? Isulat kung anong gusto mong maging 10 years from now. Kung ku-kwentahin, after college pa yon at mahaba-habang panahon pa ang aming gugugulin. At syempre may isinulat naman ako sa papel. Kung ano yon? Sekreto muna.

After High School, kailangan kong lumuwas nang Maynila para mag-aral sa kolehiyo. Takot at kaba para sa isang promdi na kagaya ko. Mabibilis daw ang sasakyan sa Maynila at maraming tao at nagtataasang building. Maraming kakatwa at mga nakakatawang pangyayari ang aking naranasan dahil sa pagka insosente sa maraming bagay. (di ko na ikwento lol) Mahirap mag adjust, mahirap makihalubilo, mahirap makipaglaban sa panibagong mundo na malayo sa nakasanayan mo. Imagine my delima. Ang tanging baon ko lang ay High School diploma, lakas nang loob at determinasyong maisakatuparan ang aking isinulat sa kapirasong papel.

Naging maayos naman ang buhay kolehiyo. Salamat sa Pamilya nang Tito ko na kumupkop sa akin at mabigyan nang espasyo sa kanilang tahanan, kahit sa totoo lang ay halos maagawan ko na nang pwesto ang mga pinsan ko. Ngunit walang pagrereklamo nila akong tinanggap at pinatuloy. 

Sa pagdaan nang mga araw, unti-unti ko nang nakakasanayan ang buhay sa siyudad. Ang buhay estudyante sa kolehiyo. Nakagawa rin naman ako kahit papano nang marka sa aming kurso. Naging presidente ako nang klase. Binago namin ang kalakaran. Hindi umubra sa amin ang mga professor na tamad magturo. We are tagged as "ibang klase" dahil we always ask for more. Ang maturuan nang wasto. Hindi lang doon, napasali din ako sa Student Council. May mga underground meetings kami kung paano higit na mapapasa-ayos ang kalakaran sa loob nang eskwelahan, kapakanan nang kapwa estudyante at karapatan nang bawat isa. Gaano man kaganda ang layunin, isa lang din naman ang tawag dyan. Aktibista.    

Masasabi kong I do well sa school. Hindi man ako yong tipong nag e- excel sa lahat nang mga studyante, naging paborito rin naman ako nang mga teachers ko sa Math, sa Algebra at Calculus dahil nakakakuha ako nang grade na uno! Hindi ko lang malaman hanggang sa ngayon kung saan ko pwede i apply ang calculus sa inaraw-araw na ginawa nang Diyos. Yong mga bulateng signs na yan at kung ano ano pa, para saan ba talaga yan? 

After College, hawak ko na ang kapirasong papel na aking isinulat... Mas maganda nga lang ngayon dahil parchment paper na at may magandang lettering. Diploma! Pero seguridad nga ba ang diploma para sa iyong pangarap? Oo nga't hawak mo na at maipagmamalaki ang pinaghirapan mong makamit, then what? Yes, naranasan ko yan. Ang kaba nang isang bagong graduate at naghahabol sa mga kumpanya para matanggap. Kulang na lang magmakaawa ka sa mga kapitalistang hanap ay "Experience

Mapalad pa rin ako dahil sa kumpanya na pinag OJThan ko eh natanggap ako. Being a nice person (???) inaya ko mga kaklase ko na doon din mag-apply. Ang siste, allowance lang at hindi totoong sweldo ang tatanggapin since mga bagong graduate daw kami. Nandamay pa ko no? Hindi ako tumagal, kailangan ko nang "Sweldo". Sino ba naman ang hindi? Kailangan kong mamili agad agad... ang kursong tinapos (na matagal antayin ang break na hanap) vs kumakalam na sikmura.

Iniwan ko muna sandali ang isinulat ko sa papel. Sabi ko sa sarili ko, pansamantala lang. Itinago ko muna ang pangarap na naisaulat sa loob nang overhead cabinet kasama ng mga sapot nang gagamba at agiw sa taas nang folding bed sa inuupahan kong dorm. 

Dunkin Donuts! Sa may welcome Rotonda, na sa pag kaka-alam ko eh wala na sya doon ngayon. Dyan ako nagtrabaho bilang crew. Gamit ang killer smile at nag-uumapaw na charm, aba naman, marami rin akong nabebenta, lalo na sa mga estudyante na tumatambay doon. Dito ko rin na meet ang first ever GF ko na sa UST nag-aaral (musta na kaya sya?) Ang kinikita ko doon ay sapat lang. Nakakabigay kahit papano nang allowance sa bunso kong kapatid. Okay na sana ang lahat kaso, nagkaroon nang sunod sunod na holdapan sa Store namin. 3 consecutive na holdapan? Tangay pati donation box para sa Orphanage. Walang patawad ang mga holdaper na ito na todo armado pa, kala mo naman bangko ang hoholdapin. At sa tatlong sunod-sunod na holdapan, eh saktong hindi ako lagi naka duty. Promise! Nagkataon lang talaga na day off ko yon! Wala akong kinalaman sa holdapan na yan! Wala talaga! Ang sama lang nang tingin nang bisor namin sa akin. 

Hindi rin ako nagtagal doon... Nakakasawa rin kasi na araw-araw, amoy donuts ka. Maging sa pagtulog eh puro "butas na monay" (donuts) napapanaginipan ko. Kahit anong laba ang gawin ko sa uniporme namin, amoy donuts pa rin. Dahil sa amoy? Na bored at gusto nang mas malaking sweldo. 


Itutuloy... abangan kung anong kasunod na trabaho ang pinasok ko (as if interesado kayo hahaha). 
By Super M

41 comments:

  1. naku, mukhang mahaba haba to ah... at marubdob... dapat sa mga ganito, nicocompile at nigagawing libro ...

    ReplyDelete
    Replies
    1. Not worth it sa libro hahaha, paiiksiin ko lang para di humaba haha

      Thanks Yccos!

      Delete
  2. ayos ang kwento sir pero nakakatakot ang holdapan sa store pinagtrabahuan mo at astig din ang gf UST nag aral wow sosyal hehehe....

    ReplyDelete
    Replies
    1. Hahaha Astig ba pag UST GF? Salamat sa dalaw Manong Unyol!

      Delete
  3. ano kayang nakasulat dun sa papel?...
    sige maabangan ang mga susunod na kabanata :)

    ReplyDelete
    Replies
    1. Abangan mo lang Sir Ric ang susunod na kabanata hahaha

      Delete
  4. Wow... ibibilad mo na talaga ang iyong katauhan... Go lang...

    Relate much naman ako sa istorya mo... Yopu got me at 'butas ng monay'!

    It's good to know kung ano ang mga kasaysayan sa lokod ng iyong killer smile at hot body... hihihihihi

    ReplyDelete
    Replies
    1. Ibibilad? Mag a anonymous nga ako eh hahaha

      Hahaha, nagustuhan mo ba ang butas na monay? Masarap ang donut di ba?

      Joke lang yong killer smile! Wala namang hot body Senyor hahaha

      Delete
    2. humble ka pa sa bot body jan... I love choco butternut at tsaka bavarian... hehehe

      Delete
  5. swerte at wala ka nung mga araw ng holdapan kasi ikaw ang mastermind. joke hehehehe

    ReplyDelete
    Replies
    1. hahaha, feeling ko yan ang iniisip nila sa kin non eh! hahaha ako ang mastermind haha

      Delete
  6. Hulaan portion ba ito, then 1. Naging mananayaw ka sa Recto. 2. Nagtrabaho ka sa bangko para ito naman ang susunod na mahooldap. 3. Naging close up model ka with your killer smile. 4. Nagbenta ka ng siopao at mani dahil sawa ka na sa butas na monay. ( sabi ni senyor, butas ng monay, iba na ang meaning niyan) 5. Nanood ka ng bold show dahil laki kita, ay! Hindi pala laki kita, lahat kita! Lol!

    Siya pinasasaya lang kita, aabangan ko na lang ang kuwento mo.

    ReplyDelete
    Replies
    1. Hmm! Tingnan natin sa susunod na kabanata kung may tumama sa mga hula mo ser! hahahaha

      Oo nga, talaga to si Senyor! Naiba tuloy meaning. hahaha

      Hahaha napasaya din ako nang comment mo na ito!

      Delete
  7. Tama ka. Paano makakapaghanap ng trabaho ang mga bagong graduate kung ang isang requirement ng mga kapitalista ay "experience"?
    Kaya marami sa mga nakapagtapos ay hindi akma ang trabaho sa kurso nila.

    Ang dami kung tawa sa butas na monay.

    ReplyDelete
    Replies
    1. Nakakalungkot isipin no? Marami nga ang hindi akma ang trabaho sa kursong tinapos nila.

      Hahaha Natawa ka sa butas na monay!

      Delete
  8. Dami kong tawa! Hahaha... Pero isa ang paghahanap ng trabaho sa mga bagay na kinahihintakutan naming mga estudyante pa lamanng. Natatakot/Kinakabahan na walang mahanap at mapunta lang sa wala ang pinaghirapan namin. Emo again. Haha!

    ReplyDelete
    Replies
    1. Hahaha tawa ka dyan!

      Nakakakaba sa umpisa pero kaya naman basta focus lang sa paghahanap nang work.

      Emo ka nga madalas hahaha

      Delete
  9. Kaabang-abang naman to, nariyan ang pagluwas ng isang promdi sa maynila para mag aral ng kolehiyo, nariyan ang unang gf at taga UST pa talaga naks! nariyan din ang unang trabaho, konting rekados nalang kompleto na hehehe. yey mas makikilala kapa namin! okay lang kahit mas habaan mo pa lol. pero teka bakit defensive ka nung sinabi mong wala kang kinalaman dun sa holdapan, haha kelangan talaga mag explain? malaking tanong talaga bakit sa tatlong beses na sunod sunod na holdapan dun ay lagi kang wala, hala! kwento mo pa kung bakit o kung may alam kung bakit, nahuli ba ang mga nangholdap? at nagfocus talaga ako sa holdapan ano, sensya na na excite ako sa kwento mo e, bitin kasi. Oi masarap ang donut ha, sa katunayan isa sa paborito ko yan at feeling ko maswerte ka na nakapagwork ka dun pero tama ka maliit nga sweldo pero maganda nga namang stepping stone, o pandagdag experience at sa resume hahaha!

    ReplyDelete
    Replies
    1. Yan talaga yong highlight netong post! Holdapan hahaha Pero wala talaga akong kinalaman don hahaha Nagkataon lang siguro, sa tatlong beses hahaha



      Delete
  10. wow, ang saya naman ng college life mo sir mar! ang active ee
    grabe naman nang yari sa work mo suki?
    mukang masaya pa ang mga sususnod na kabanata ahh more on love life please

    ReplyDelete
    Replies
    1. hahaha natawa naman ako sa more love life please! Work related muna MEcoy, sa susunod na yang love life hahaha

      Delete
  11. Wow as in wow! Nakaka excite naman basahin ng story mo. Ilang beses akong natawa:) and saludo nga pala. Ang talino mo naman:)
    Anyway, dapat may kasunod agad:)

    ReplyDelete
    Replies
    1. Salamat naman at napatawa ka Ms Joy hahaha

      Hindi po ako matalino, sakto lang!

      Sige, susundan ko agad to :)

      Delete
  12. para magamit mo yun bulateng signs na inaral mo, kwentahin mo gano kabilis mapupuno ng tubig ang timbang panligo mo, kapag alam mo na pwede mo na syang iwan pansamantala, di na kelangan bantayan at pwede ka ng gumawa ng iba pang gawain, balikan mo na lang kapag na-reach mo na yun time na nakwenta mo. hahahaha, ang lakas ng tama ko ngayon, dahil sa calculus at mga bulateng signs mo...tsk!!!

    ReplyDelete
    Replies
    1. Katamad mag compute! Gawin ko na lang experiment! Orasan ko na lang isang beses kung gaano katagal mapuno isang timbang tubig, tapos na! Magbabantay lang ako at hindi mag compute gamit ang mga bulteng yan hahahaha

      Delete
  13. Naging interesado naman ako dito. Hindi ako magaling na studyante. Nagulat nga ako naka-graduate ako.. i have that feeling na I'm bobo inside and out! hahahahahaha! Anyway.. interesado ako at napansin ko ganun nga yata talaga.. kailangan mo magsimula sa pinakababa.. or minsan kailangan lumiko ka ng landas.. at anu't ano pa at makakarating din sa dulo.. tyaga at pagsisikap lang.. at galing sa puso ko ang comment na ito...

    ReplyDelete
    Replies
    1. Uy! Wag kang ganyan, sabi sa Silid Aralan Inc. Walang Bobo, talaga to!

      Tama ka, masarap kasi na magsimula sa baba, at pinaghirapan mo yong kinalalagyan mo ngayon.

      Salamat sa komentong mula sa puso!

      Delete
  14. Sir mar sguro indi mo tlga makalimutan ang dunkin donuts noh kahit saan ka pumunta kasi minsan naging parte ka ng tinapay na yan n may butas

    Curious lng ako kung anong nilagay mo dun sa papel if natupad ba yun ,,,

    At kung ung papel hawak mo pa din hanggang ngayon

    ReplyDelete
    Replies
    1. oo naman, dunkin donuts yan eh, bahagi nang aking nakaraan, naks hahaha

      Malalaman natin sa susunod na kabanata. Antabay lang.

      Delete
  15. Yung totoo.. may kinalaman ka sa holdapan?
    At ikaw pala ang math wizard sa panahon niyo. Lol peace!
    San na ang kasunod nito? Aabangan ko.

    ReplyDelete
    Replies
    1. Isa ka pa! hahaha, wala akong kinalaman don! hahaha

      Oo naman math wizard ako non, ngayon di na hahaha

      Bukas na ang kasunod!

      Delete
  16. Kainis naiwan ako sa kwento na to :( Nauna kong binasa yung part 2 kesa dito sa part 1 hmp :(

    Nag-enroll din ako dito sa Manila nung nag college ako but nag back-out ako. Di ko kaya yung buhay dito noon bumalik ako sa probinsya at dun nagtapos. Tapos nakakatawa kasi pag graduate ko ng college dito naman ako nag work hanggang ngayon nandito pa rin ako lol.

    Eh di ikaw na ang mathematician ikaw pa ang may killer smile! Ikaw na ang anak ng dyos! Ikaw na nga din ang holdaper! LOL :P

    ReplyDelete
  17. CSTO Collective Security Council meeting Putin in Moscow on the ugg same day, said the situation in the Christian Louboutin Bois Dore world Bags Louis Vuitton today is discount nike jordans undergoing rapid cheap jordans change, the ugg pas cher old problems continue to intensify, and new problems emerging, the world's security system is changing. This requires the discount christian louboutin CSTO member states to take Discount Louis Vuitton collective coordinated action christian louboutin to uggs on sale safeguard the security of Member States and regions.Putin ugg australia said CSTO will establish humanitarian center system, the first humanitarian center will be Christian Louboutin Daffodile set cheap christian louboutin up next year in christian louboutin remise 50% Armenia, uggs outlet after the formation ugg boots of similar institutions in Kyrgyzstan will.Putin also expressed concern about Air Jordan 11 Gamma Blue the situation in Afghanistan. He said the extremist Cheap Louis Vuitton Handbags organization "Islamic State" Cheap LV Handbags militants had infiltrated into Afghanistan, and christian louboutin shoes there is the possibility Discount LV Handbags to expand in Central Asia. CSTO member states should take pre-emptive measures to eliminate ugg soldes the cheap nike jordan shoes threat, wholesale jordan shoes we must strengthen supervision of Tajikistan and Afghanistan border.

    ReplyDelete

Related Posts Plugin for WordPress, Blogger...