The Day I started Blogging...

Nagsimula ang lahat noong mga panahon na payapa pa ang espasyong aking ginawa sa mundo ng Facebook. Mga panahong ang akala ko ay naka move on na sa pagkawala ng aking interes sa Friendster. Akala ko magiging ok na ang lahat. Yon ang akala ko. At muli, mali na naman ang aking akala.

Dumating ang araw na marami na akong tanong. Mga tanong na sa sarili ko lang naitatanong. Tanong ko sagot. May katagalan din na natili ang mga hindi maibulalas na sama ng loob ng matagal din na panahon sa kaibuturan ng aking puso. At ngayon, nagkaroon ako ng tapang na maisulat ang mga hinaing na ito. 

Marahil naitanong na sa inyo ang tanong na ito, "Bakit ka pumasok sa mundo ng blogging?" Kung hindi pa, ngayon pa lang, pag-isipan mo na kung ano ang sagot mo sa tanong na yan.

Dahil sa facebook, yan ang dahilan kung bakit ako nagsusulat ngayon at kung bakit nabuo ang unplog. Isa ako sa milyon-milyong tao sa mundo na nakagiliwan ang social networking na magpahanggang ngayon ay wala pang nakakatalo. Katulad din ako ng iba na naging hobby na ang mag post ng mga pictures ng kung ano-ano. Family pictures, gimik, travel, food trip at larawan ng kahit ano ay nai-post ko na. Hanggang sa dumating ang araw na umabot ako sa pang isandaang album. Kung dadalawin mo ang facebook ko, hanapin mo ang pang isandaang album ko at makikita mong iisa ang laman na picture sa loob nito. At doon nagsimula  na akong magtanong...

1. Paano kung mapuno na ang facebook account ko sa dami ng pictures na nai post ko na? Unlimited kaya ang kapasidad ng facebook? Ayaw kung sumugal... ngayon pa at nakahiligan ko na ang kumuha ng mga larawan. At dinala ako ng tanong na ito sa blogspot.com. Dito ako nagsimulang gumawa ng panibagong mundo... ang UNPLOG. Ipinanganak ang bago kung mundo na may URL na m1xtermind.blogspot.com (galing ang url na ito sa pinagsamang pangalan ng isang pabango + utak kong magulo). At bakit naman UNPLOG? Dahil ang main reason kung bakit ko binuo ito ay dahil sa mga photos. UN - for unlimited, P - for photos at LOG is to keep a record. Unlimited Photo Log. 

2. Paano kung nagiging dependent na tayo sa Facebook pagdating sa mga birthdates ng ating mahal sa buhay at kaibigan? Hindi ka na makaalala ng mga importanteng okasyon without the help of notifications. Kailangan kong ibaling sa iba ang aking atensyon para muling sanayin ang sarili ko na maalala ang mga mahahalagang okasyon sa pamilya namin, without the help of facebook. And when unplog started to roll... nabawasan na ang oras ko sa facebook. At dahil dyan, kailangan kong magtodo effort na hindi ma miss ang mga important dates.

3. Paano kung dumating ang araw na hindi mo na nakakausap ng personal ang iyong pamilya, kamag-anak at kaibigan dahil sa facebook? Magbasa ka lang ng status nila, marami ka ng malalaman. At hindi lang yon! May mga bagay na di mo na dapat malaman, nalalaman mo pa rin dahil ultimo kinain nya sa buong maghapon, updated. Naisip ko lang na higit na masarap sa pakiramdam ang mangamusta ng personal. Ang marinig ang boses ng nangangamusta kahit sa isang saglit na tawag sa telepono. Nakatulong ang Unplog upang mabawasan ang mga paglalagay ko ng status sa aking facebook account. Kaya kung mangungumusta ka, tawag ka lang. 

Iyan ang mga dahilan kung bakit may Unplog. At salamat Facebook, for making it happen....

Album Cover