COFFEE, CAFFEIN, KAPE!

One moment with Bo's Coffee

Mahilig ka ba sa kape? Coffee drinker ka ba talaga or hilig mo lang tumambay sa kapehan maghapon ng hindi binabawasan ang isang maliit na tasa ng kape na inorder mo. Masabi lang na ikaw ay "in" kahit di mo talaga alam kung bakit ang daming tambay sa loob ng mga sikat na coffee shops dito sa bansa. Kaya ikaw ay naki-tambay na rin. Ayos lang yan, hindi ka nag-iisa!

Pero kung ikaw ay isang lehitimong lumalaklak ng kape, may Good News ako sayo. Ayon sa aking  source, napagalaman ko na may mga pakinabang din naman sa kalusugan ang pag-inom ng kape. And take note, not only one, hindi rin dalawa, kundi pito! Hindi kaya kamag-anak ito ng pito-pito ni Ka Ernie? (SLN)

At habang mainit pa, ating alamin ang mga pakinabang ng kape sa ating kalusugan. (timpla muna ng kape - Coffee Break muna)

7 Health Benefits of Coffee

1. Coffee (Or At Least, The Caffeine!) Can Help You Proofread Better.
Ito ang kasagutan sa ating mga bloggers! Lalong-lalo na sa mga kagaya kong mali-mali ang grammar, tagalog na nga mali pa. Nakakatulong pala ang caffein sa coffee na iniinom natin to spot grammatical errors, o ha! San ka pa... kailangan ko sigurong uminom pa ng maraming kape, para gumaling akong mag-blog. Baka talunin ko na si Bino, Leo at DB. pero alam ko, marami pa kong kakaining bigas, or should I say, lalaklaking kape? Ito siguro ang sekreto nina Sey at TPW at ang iba pang mga hinahangaan kong mga blogero kaya grammar error free ang blog nila. Now I know...  pero, teka teka, hindi pala kasama sa power ng caffein yong pag-spot ng mga maling spelling.... opppsss yon lang!

2. Coffee Could Lower Women's Depression Risk.
Itong study na to ang magpapatunay na ang mga babae ay prone sa depression. Sa babae lang nila sinubukan eh. Ibig sabihin, mas maraming babae ang depressed against sa ating mga lalaki... (any violent reaction mga girls? lol) Tama lang naman di ba? Parang weather ang mood ng mga babae. Ang bilis magbago. Kaya ang mga boys ay takot sa mood swings ng mga babae, lalo na pag may buwanang dalaw sila. Pero may solusyon na dyan mga tsong... Painumin mo ng kape ang iyong mga gf, syota, asawa mo at panigurado, kakalma yan! Na mo-modulates daw ng caffein ang release ng mood transmitter (whatever that is), mostly ng mga babae because caffein affects the brain.  Kung gusto mo namang hiwalayan, kape pa rin ang solusyon para hindi ma-depress after the break-up. Kaya ang D' Best place para makipaghiwalay ay sa...... Alam na! Coffee Shop... SB, CBTL or Bo's.   

3. Coffee Could Save Your Brain.
Ang study na ito ay medyo alanganin, kasi hindi pa rin matukoy ng mga dalubhasa kung anong meron sa kape (something lang sinabi don), kung ano man yang "something" na meron ang kape at kayang labanan ang Alzheimer's Disease. At sa daga pa lang nila nasubukan ito at napag alaman na kaya nitong labanan ang Alzheimer's ng mga daga. Wow ha! Ngayon ko lang nalaman na kahit ang daga ay nagkaka Alzheimer's din. Paano kung makalimutan ng mga daga na daga sila? Ano kaya ang mangyayari? Aabangan ko yan... At para sa mga walang utak... kaya pa kayang daanin sa pag-inom ng kape? Yan ang hindi ko aabangan...

4. Coffee Could Lower Men's Prostate Cancer Risk.
30% percent mga tol! 30%! Yan ang percentage na mabawasan ang risk ng prostate cancer sa ating mga lalaki kapag uminom tayo ng kape. (Pambawi to sa atin ng mga Girls) Uminom ka lang ng isang tasang kape a day, 30% na agad ang mababawas sa risk. The other 70% of course eh healthy lifestyle na dapat para tuloy tuloy ang ligaya. At para maiwasan ang prostate... "let's drink to that!" Cheers! Kampay! Not alcohol but coffee!

5. Coffee Could Ward Off The World's Most Common Cancer.
BCC (Basal-Cell Carcinoma) or skin cancer - worlds most common cancer. Medyo medical terms na ito, kailangan na ng tulong ni Doc. Kape pa rin ang panglaban dito. Para sa mga babaeng coffee drinker - 20% lower risk of skin cancer, samantalang 9% lamang ang sa mga lalaki (sabay kamot ng likod).  Kaya pala may nabasa akong article na ang kape pala ay nakakapagpaganda ng kutis. Hindi po pinapaligo ang kapeng mainit at baka malapnos ang inyong balat.

6. Coffee Could Protect You From Type 2 Diabetes.
Proteksyon ang pag-inom ng kape para makaiwas sa diabetes. Pero palagay ko, dapat walang asukal ang kape mo. Ang pait panigurado non! Try mo nga... Sabagay, marami na ngayong pekeng asukal para sa mga diabetic.

7. Coffee could decrease Parkinson's risk.
Gaya ng mga naunang nabanggit na karamdaman, kaya ring bawasan ang risk na dulot ng sakit na Parkinson's sa pamamagitan ng pag-inom ng kape.

"Drinking a few cups of coffee a day could lower the risk of developing Parkinson's disease by as much as 25 percent, according to a study published last year in the Journal of Alzheimer's Disease. "



Ayon pa rin sa aking source , pinag-iingat din na huwag namang sumobra sa pag-inom ng kape dahil sa meron din naman na side effects ito. Ika nga "drink moderately" (parang alak lang lol). Hinay-hinay lang mga tsong at lahat ng sobra ay masama sa katawan. Kaya't halika na at samahan akong magkape....